Віншуем з Днём ведаў і пачаткам  навучальнага года!

Паважаныя вучні!

Віншуем вас з Днём ведаў і пачаткам  навучальнага года!

Жадаем усім цікавай і старанннай вучобы.

Памятайце мудрае выслоўе “Вучымся не для школы, а для жыцця!”

Вучыцеся дзеля сябе, дзеля свайго захаплення і поспеху.

Вы наша будучыня!

У добры шлях!

Першага верасня

Ветразь верасня–белы бант

Зноў плыве на падворку школы.

Першакласніца–музыкант,

І ў руках зноў званок вясёлы.

Самалёт павуцінку ўгары

Выпускае пад гул матора.

Сэрца з сэрцам пагаварыць

Хоча сёння ў дзіцячым моры.

Што ні клас , то сяброўскі рой,

І настаўніца, нібы маці.

Першы раз і апошні свой

Год вітаюць на ведаў свяце.

Крэйды школьнай свежы радок

І радок у вучнёўскім сшытку.

Пачынае сукаць у клубок

Час вучэльні ўрокаў ніткі.

Віталь Гарановіч