З клопатам аб роднай школе

Рэспубліканскі суботнік, прымеркаваны да Году малой радзімы, прайшоў у мінулыя выхадныя. На работу па добраўпарадкаванні дружна выйшлі гараджане і сельскія жыхары. Працавалі ў гэты дзень і школьнікі. У нашай школе арганізавалі экалагічную акцыю пад назвай "З клопатам аб роднай школе".

Адзінаццацікласнікі на чале з дырэктарам Васіліем Любозам садзілі дрэвы. На дапамогу сёлетнім выпускнікам прыйшлі выпускнікі мінулых гадоў. На суботнік у родную трэцюю школу завіталі начальнік Глыбоцкага РАСК Сяргей Калмук, начальнік раённага аддзела Дэпартамента аховы Сяргей Кандзерскі, начальнік Глыбоцкага РАНС Васіль Завадскі, намеснік ваеннага камісара Глыбоцкага і Шаркаўшчынскага раёнаў Уладзімір Суглобаў, старшыня Глыбоцкага таварыства выратавання на водах Валерый Шабан, галоўны ляснічы Глыбоцкага доследнага лясгаса Аляксандр Сырапятка.
Кляновую алею (маладзенькія дрэўцы – падарунак школе ад доследнага лясгаса) заклалі на прышкольнай тэрыторыі. Пройдзе час - дрэўцы ўбяруцца ў сілу і будуць нагадваць сённяшнім адзінаццацікласнікам пра іх апошнюю школьную вясну. Магчыма, праз некалькі дзясяткаў гадоў яны таксама прыйдуць у родную школу, каб расказаць настаўнікам пра свае поспехі і дасягненні і зрабіць добрую справу, – пасадзіць новыя дрэвы.