У рамках рэспубліканскага фестывалю "Тыдзень спорту і здароўя"

вучні 5 "В" класа наведалі Глыбоцкую раённую

дзіцяча-юнацкую спартыўную школу.

Ля парога вучняў сустрэла Гапоненка Лілія Канстанцінаўна, намеснік дырэктара школы, і запрасіла ў трэнажорную залу. Дзеці з захапленнем глядзелі на сучасныя трэнажоры, а калі Лілія Канстанцінаўна дазволіла самім пазаймацца на любым з іх, то эмоцыі ўжо ніхто не стрымліваў. Хлопчыкі і дзяўчынкі з запалам круцілі веласіпед, падымалі розныя грузы, скакалі на фітбалах. Многа было і пытанняў: як правільна карыстацца трэнажорам, якія мышцы трэніруюцца, колькі часу можна займацца на адным трэнажоры?
Затым дзеці наведалі залу, дзе праходзяць трэніроўкі па міні-футболе, валейболе, лёгкай атлетыцы. Потым перамясціліся ў залу, дзе праходзяць заняткі па грэка-рымскай барацьбе. Пасля экскурсіі дзеці вярталіся дадому стомленыя, але з агеньчыкам у вачах. Ці не запісацца ў спартыўную школу?